როგორც მოსალოდნელი იყო 2024 ის ერთა თასისთვის ახალმა მწვრთნელმა, დატოვებულ შემადგენლობაში ცვლილებები შეიტანა და ერთბაშად 11 დებიუტანტს უხმო
პრემიერშიპის ფინალში "თვიქნემ სთედიუმზე" ერთმანეთს "ექსტერ ჩიფსი" და "ჰარლექუინსი" დაუპირისპირდნენ.
ფავორიტად შარშანდელი ჩემპიონი "ექსეტერ ჩიფსი" მოიაზრებოდა, ხოლო "ჰარლექუინსის" ფინალში გასვლაც გარკვეულწილად მოულოდნელი გახლდათ, რადგან ნახევარფინალში აშკარა ფავორიტი "ბრისტოლი" იყო, რომელიც თავიდან 28:0 იგებდა კიდეც, მაგრამ ლონდონელებმა საოცარი "ქამბექი" შემოგვთავაზეს, დამატებით დროში იმარჯვეს და ფინალს ამაღლებულ განწყობაზე შეხვდნენ, სადაც "ბელადებს" არაფერი დაუთმეს და სრულიად დამსახურებულად იმარჯვეს.
ფინალური მატჩი ძალიან სანახაობრივი გამოვიდა - გულშემატკივრებმა 11 გატანილი ლელო და 78 ქულა იხილეს. "ექსტერ ჩიფსმა" ხუთი ლელოს გატანა მოახერხა, ხოლო "ჰარლექუინსმა" ექვსჯერ აიღო მოწინააღმდეგის ლელო. ტაიმი 14:19 დასრულდა, მეორე ნახევარიც ლონდონელთა აქტიურობით დაიწყო და 12 ქულით გავიდნენ წინ, თუმცა ამის შემდეგ "ექსეტერიც" გამოცოცხლდა და 65-ე წუთამდე, 17-წუთიან მონაკვეთში 5 ქულით მოახერხა დაწინაურება. გადამწყვეტი გამოდგა 20 წლის გარემარბის ლუის ლინაგის დუბლი, რომელმაც მეტოქე 71-ე და 75-ე წუთებზე დაალელოვა და მატჩის დასრულებამდე ოთხი წუთით ადრე, "ჰარლექუინსი" 9 ქულით გავიდა წინ. დარჩენილ დროში სტიუარტ ჰოგმა ერთი ლელო დადო და სხვაობა შეამცირა, თუმცა მეტის გაკეთება "ექსეტერმა" ვეღარ მოასწრო - 38:40.
"ჰარლექუინსი" ინგლისის ჩემპიონი მეორედ გახდა. მათ აქამდე პრემიერშიპი 2011/2012 წლების სეზონში ჰქონდათ მოგებული.
როგორც მოსალოდნელი იყო 2024 ის ერთა თასისთვის ახალმა მწვრთნელმა, დატოვებულ შემადგენლობაში ცვლილებები შეიტანა და ერთბაშად 11 დებიუტანტს უხმო
აღსანიშნავია, რომ "ლე ბლემ" "ოლ ბლექსის" დამარცხება 2009 წლის შემდეგ პირველად მოახერხა.
ლონდონში "თვიქნემ სთედიუმზე" ერთმანეთს 2019 წლის მსოფლიო თასის ფინალისტები ინგლისი და სამხრეთ აფრიკა დაუპირისპირდნენ, რომელშიც
ბორჯღალოსნების მთავარი მწვრთნელი ლევან მაისაშვილი, ესპანეთში ფიჯისთან ნაჩვენები თამაშით კმაყოფილი დარჩა.