საქართველოსთან მატჩამდე ხუთი დღით ადრე, სამხრეთაფრიკელთა ბანაკში კოვიდის შემთხვევები გამოვლინდა

სამხრეთ აფრიკის ნაკრების კვირას გასამართი ვარჯიში გაუქმდა - აღნიშნულ ინფორმაციას "სპრინგბოკსის" ოფიციალური ვებგვერდი ავრცელებს.

ამის მიზეზი მსოფლიო ჩემპიონის ბანაკში გამოვლენილი კოვიდ 19-ის შემთხვევებია - შაბათს ჩატარებული ტესტირების შემდეგ, სამი დადებითი შედეგი დაფიქსირდა. გუნდის მენეჯმენტმა მთელი გუნდი დაუყონებლივ თვითიზოლაციაში გადაიყვანა და კვირის ვარჯიშის გაუქმების შესახებ მიიღო გადაწყვეტილება. გუნდის შემდგომ საქმიანობაზე გადაწყვეტილება მალე მიიღება. 

უცნობია, თუ რომელ მორაგბეებს აქვთ კორონავირუსი.

შეგახსენებთ, რომ 2 ივლისს სამხრეთ აფრიკის ნაკრები საქართველოს პრეტორიაში გაუხვდება, ხოლო 9-ში იოჰანესბურგში ეთამაშება.