საქართველოს 7-კაცა ნაკრებმა მოსკოვის ეტაპის პირველ დღეს პოლონეთს მოუგო, ესპანეთთან და პორტუგალიასთან - დამარცხდა

საქართველოს 7-კაცა ნაკრებმა რაგბი ევროპის ჩემპიონატის მეორე ეტაპზე, რომელიც 26-27 ივნისს მოსკოვში იმართება, პირველ სათამაშო დღეს, ჯგუფურ ეტაპზე სამი შეხვედრა ჩაატარა. 

ჩვენი გუნდი პირველ მატჩში პორტუგალიას ეთამაშა და დაძაბულ ბრძოლაში 14:17 დამარცხდა, მეორე მატჩში ლისაბონის ეტაპის გამარჯვებულ ესპანეთთან დიდი სხვაობით 0:38 წააგო, ხოლო დასკვნით მატჩში პოლონეთს დიდი სხვაობით 42:0 სძლია და ჯგუფურ ეტაპზე მესამე ადგილი დაიკავა. 

საქართველოს 7-კაცა ნაკრები დღეს პლეი-ოფში მასპინძელ რუსეთს ეთამაშება. მატჩი თბილისის დროით 12:36 საათზე დაიწყება.