აშშ-ის ნაკრები ახალ სუპერ სტადიონზე სადებიუტო მატჩს პირველი დონის გუნდის წინააღმდეგ გამართავს

გუშინ ოფიციალურად დადასტურდა, რომ აშშ-ის ნაკრები შემოდგომის ტესტების გახსნით მატჩს შინ ირლანდიის წინააღმდეგ გამართავს.

მატჩი 30 ოქტომბერს ლას ვეგასში ახლადაშენებულ Allegiant Stadium-ზე გაიმართება, რომელიც 65000 მაყურებელს იტევს, რამდენიმე სპორტის სახეობაზეა გათვლილი და ამ სუპერ სტადიონის მშენებლობა დაახლოებით 2 მილიარდი დოლარი დაჯდა. ახალი არენა 2020 წლის 31 ივლისს გაიხსნა.

აშშ-ის და ირლანდიის ნაკრებების შეხვედრა იქნება პირველი საერთაშორისო სარაგბო მატჩი, რომელიც Allegiant Stadium-ზე გაიმართება და ეს ლას ვეგასის რაგბის თასის გათამაშებით აღინიშნება.