გიორგი შკინინი პირველი ლიგის ტაოს შეუერთდა

© TrySportimages

38 წლის ვეტერანი გარემარბი გიორგი შკინინი (38 კეპი, 6 ლელო) პირველი ლიგის სარაგბო კლუბ "ტაოს" შეუერთდა, სადაც მოთამაშე-მწვრთნელი იქნება. "გოშა" სავარაუდოდ უკანა ხაზს მოამზადებს.

ასპინძელებმა მომდევნო სეზონისთვის მზადება რამდენიმე დღის წინ უკვე დაიწყეს და კლუბის მიზანი 2021/2022 წლების სეზონი დიდი 10-ის საგზურის მოპოვება იქნება.

შკინინმა გასული სეზონი თბილისის "ლოკომოტივში" გაატარა, ხოლო ორი კვირის წინ ლისაბონში გამართულ 7-კაცას ევროპის ჩემპიონატის პირველ ეტაპზე მიიღო მონაწილეობა, გუნდს უკაპიტნა და რამდენიმე ძალიან ლამაზი ლელოთი გამოირჩა. აღსანიშნავია, რომ "გოშა" 7-კაცა ნაკრებს ხუთწლიანი პაუზის შემდეგ დაუბრუნდა და გულშემატკივარს კიდევ ერთხელ აჩვენა, რომ კვლავ ბრწყინვალე ფორმაში იმყოფება.