ჩესლინ კოლბი და რაინარდ ელსტადტი საქართველოსთან პირველ ტესტ-მატჩს გამოტოვებენ

სამხრეთ აფრიკის ნაკრების მეორეხაზელი რაინარდ ელსტადტი და გარემარბი ჩესლინ კოლბი საქართველოსთან გასამართ პირველ ტესტ-მატჩს გამოტოვებენ.

როგორც მოგეხსენებათ, "ტულუზი" ტოპ 14-ის ფინალში გავიდა, სადაც 25 ივნისს "ლა როშელს" შეერკინება. შესაბამისად, ორივე ზემოხსნებული მორაგბე პარასკევს კვლავ კლუბის განკარგულებაში იქნება. 

ორივე მორაგბე ვაქცინის მეორე დოზას ტოპ 14-ის ფინალის შემდეგ, კვირას მიიღებენ, რის შემდეგაც გეზს სამხრეთ აფრიკისკენ აიღებენ, სადაც ორშაბათს ან სამშაბათს ჩავლენ, შემდეგ კი კოვიდ პროტოკოლის გავლა მოუწევთ. "სპრინგბოკსის" მთავარი მწვრთნელის ჟაკ ნინაბერის თქმით, "ტულუზის" მორაგბეებს გუნდთან შეერთების შემდეგ, იმდენად მცირე დრო ექნებათ მოსამზადებლად, რომ მათთვის საქართველოსთან პირველ ტესტ-მატჩში თამაში რთული იქნება და ეს ფაქტობრივად გამორიცხულია. 

შეგახსენებთ, რომ სამხრეთ აფრიკის და საქართველოს ნაკრებების პირველი ტესტ-მატჩი 2 ივლისს გაიმართება, ხოლო მეორე შეხვედრა - 9 ივლისს.