იტალიური რაგბის ისტორიული წარმატება - ბენეტონი პრო 14-ის ცისარტყელას თასის გამარჯვებულია

პრო 14-ის ცისარტყელას თასის ფინალში "ბენეტონმა" შინ სამხრეთაფრიკული "ბულზი" უშანსოდ 35:8 დაამარცხა და იტალიურ რაგბის ისტორიული წარმატება მოუტანა - პირველი ტიტული უმაღლესი დონის საკლუბო ტურნირზე.

იტალიელებმა პირველ ტაიმში 20:8 იმარჯვეს, ხოლო მეორე ნახევარში საკუთარი უპირატესობა კიდევ უფრო გაზარდეს და მოწინააღმდეგეს ორი უპასუხო ლელო და ერთი ჯარიმა გაუტანეს, მარცხით იმედგაცრუებულ აფრიკელთა კაპიტანს მარსელ კუციას კი ისღა დარჩენოდა, რომ მატჩის შემდგომ გულშემატკივრებისთვის ბოდიში მოეხადა და ტრევიზოელთათვის გამარჯვება მიელოცა. 

"ბენეტონმა" ფინალურ მატჩამდე "ცისარტყელას თასის" ევროპულ კონფერენციაში ორჯერ "ძებრეს" მოუგო, თითოჯერ "გლაზგო უორიორსი" და "კონახტი" დაამარცხა, ხოლო "ოსპრისთან" მატჩი კოვიდის გამო გაუქმდა.