ოფიციალურად: ერთწლიანი შესვენების შემდეგ, სარასენსი პრემიერშიპში დაბრუნდა

"სარასენსმა" ინგლისის ჩემპიონშიპის ორმატჩიან ფინალში "ეალინგ ტრაილფაინდერსი" ჯამში 117:15 გაანადგურა და ერთწლიანი იძულებითი შესვენების შემდეგ, პრემიერშიპს დაუბრუნდა.

ინგლისის 5-გზის და ევროპის 3-გზის ჩემპიონმა პირველ მატჩში მეტოქე გასვლაზე 60:0 გაანადგურა, ხოლო გუშინ შინ 57:15 სძლია და გაისად კვლავ ელიტაში ვიხილავთ.

როგორც მოგეხსენებათ, "სარასენსი" ერთი წლის წინ სახელფასო ჭერის უხეშად დარღვევისთვის უმკაცრესად დასაჯეს, პრემიერშიპიდან დააქვეითეს და 5.36 მილიონი გირვანქა სტერლინგით დააჯარიმეს. 

უნდა ითქვას, რომ "სარასენსმა" ძირითადი ბირთვის შენარჩუნება მოახერხა და შემადგენლობიდან გამომდინარე, კვლავ უმაღლესი მიზნებისთვის უნდა იბრძოლოს.