VIDEO: ჰარლექუინსმა ბრისტოლს 28-ქულიანი ჩამორჩენა აღმოუფხვრა და პრემიერშიპის ფინალში გავიდა

პრემიერშიპის პირველი ნახევარფინალური მატჩი, რომელშიც "ბრისტოლი" "ეშტონ გეითზე" "ჰარლექუინსს" დაუხვდა, საოცარი სანახავი გამოდგა! 

38-ე წუთამდე "ბრისტოლი" 28:0 ამარცხებდა და თითქოს მატჩის ბედიც გადაწყვეტილი ჰქონდა, მაგრამ ტაიმის ბოლოს სტუმრებმა ერთი ლელო გაქვითეს, ხოლო მეორე ნახევარში ჩამორჩენა საერთოდ გააბათილეს და ძირითადი დრო ფრედ 31:31 დასრულდა, რის შემდეგაც ორი ათ-ათწუთიანი დამატებითი ტაიმი დაინიშნა, სადაც "ჰარლექუინსმა" იმძლავრა და მატჩი 36:43 დასრულდა.

"ჰარლექუინსი" პრემიერშიპის ფინალში 26 ივნისს "თვიქნემზე" "ექსეტერ ჩიფსს" შეერკინება.