ოფიციალურად: პრო 14 ახალი ტურნირით ჩანაცვლდება

გუშინ ოფიციალურად დადასტურდა, რომ გინეს პრო 14, სექტემბრიდან ახალი ტურნირით "რაგბის გაერთიანებული ჩემპიონატით" ჩანაცვლდება, რომელშიც 5 ქვეყნის 16 ფრენჩაიზი მიიღებს მონაწილეობას. 

როგორც მოგეხსენებათ, 2020 წელს საბოლოოდ გადაწყდა, რომ პრო 14-ს სამხრეთაფრიკული "ჩიტასი" და "საუზერნ კინგსი" დატოვებდნენ, მათ ნაცვლად კი ოთხი ფრენჩაიზი დაემატებოდა. შესაბამისად, ტურნირი 16 გუნდამდე გაფართოვებდებოდა. პრო 14-ის ორგანიზებით 23 აპრილს დაიწყო "ცისარტყელას თასი", რომლის ფინალშიც ერთმანეთს იტალიური "ბენეტონი" და სამხრეთაფრიკული "ბულზი" შეერკინებიან. ეს ერთგვარი გასახურებელი შეჯიბრება გამოდგა. 

რაგბის გაერთიანებული ჩემპიონატი სექტემბერ-ივნისში გაიმართება. ტურნირი დაყოფილი იქნება ოთხ ჯგუფად:

ირლანდიური ჯგუფი: კონახტი, ლენსტერი, მანსტერი, ალსტერი;

უელსური ჯგუფი: დრაგონსი, სკარლეტსი, კარდიფ ბლუზი, ოსპრისი;

სამხრეთაფრიკული ჯგუფი: ბულზი, სტორმერსი, ლაიონსი, შარქსი;

იტალიურ-შოტლანდიური ჯგუფი: გლაზგო უორიორსი, ედინბურგი, ბენეტონი, ძებრე;

რეგულარულ ჩემპიონატში სულ 18 ტური ჩატარდება. თითოეული გუნდი საკუთარი ჯგუფის წევრებს შინ და სტუმრად შეხვდებიან, ხოლო დანარჩენი გუნდების წინააღმდეგ თითოჯერ ითამაშებენ. პლეი-ოფში რეგულარული ჩემპიონატის რვა გუნდი საუკეთესო გუნდი გავა და ნაჩვენები შედეგების მიხედვით გუნდები შინ თამაშის უპირატესობას მიიღებენ. ტურნირის ორგანიზატორები ფიქრობენ, რომ უახლოესი წლების განმავლობაში ტურნირის ფორმატი აღარ შეიცვლება.