საქართველოს ნაკრებს გიორგი თხილაიშვილი გამოაკლდა

საქართველოს ნაკრებს ერთ-ერთი გამოცდილი მორაგბე გიორგი თხილაიშვილი გამოაკლდა, რომელიც "ბორჯღალოსნებს" ზაფხულის ტესტებზე ვერ დაეხმარება - აღნიშნულ ინფორმაციას საქართველოს რაგბის კავშირი ავრცელებს.

თხილაიშვილმა, რომელსაც ნაკრების კვართით 64-ჯერ უთამაშია და 12 ლელო მიითვალა, მენისკი შაბათს დიდი 10-ის ფინალურ მატჩში დაიზიანა. 

"ბათუმის" მესამეხაზელის გარდა, "ბორჯღალოსნებს" ტრავმების გამო ვერ დაეხმარებიან: მიხეილ ნარიაშვილი, ნიკა აბულაძე, ლუკა აზარიაშვილი, გიორგი ნუცუბიძე, ლაშა ჯაიანი, გრიგორ ქერდიყოშვილი, ოთარ გიორგაძე, ბექა გორგაძე, ლაშა ლომიძე და სოსო მათიაშვილი. გარდა ამისა, ოჯახური შეკრების გამო შეკრებაზე არაა თამაზ მჭედლიძე.

საქართველოს ნაკრების განრიგი ზაფხულის ტესტებზე:

26 ივნისი, საქართველო - ნიდერლანდები
2 ივლისი, სამხრეთ აფრიკა - საქართველო
9 ივლისი, სამხრეთ აფრიკა - საქართველო
17 ივლისი, საქართველო - შოტლანდია