საქართველოს და შოტლანდიის ნაკრებების მატჩის გამართვის ზუსტი დრო და ადგილი ცნობილია

საქართველოს და შოტლანდიის ნაკრებებს შორის გასამართი ტესტ-მატჩი 17 ივლისს 19 საათზე, თბილისში, "დინამო არენაზე" გაიმართება. აღნიშნული ინფორმაცია საქართველოს რაგბის კავშირის ოფიციალურმა ვებგვერდმა დაადასტურა.

გარდა ამისა, დაიწყო მატჩზე დასასწრები ბილეთების გაყიდვაც - TKT.GE/RUGBY.

შეგახსენებთ, რომ საქართველოს ნაკრები ზაფხულის სერიების პირველ მატჩს 26 ივნისს ჩაატარებს და რაგბი ევროპის ჩემპიონატის ბოლო მატჩში თელავში ნიდერლანდებს დაუხვდება, საიდანაც გეზს სამხრეთ აფრიკისკენ აიღებს, სადაც მოქმედ მსოფლიო ჩემპიონს 2 და 9 ივლისს შეერკინება.