დიდი 10: აკადემიამ ყოჩები დაამარცხა და ბრინჯაოს მედალი მოიპოვა

დიდი 10-ის 2020/2021 წლების სეზონის მე-3 ადგილისთვის მატჩში "რაგბი პლატონზე" ერთმანეთს "აკადემია" და "ყოჩები" დაუპირისპირდნენ.

"აკადემიამ" პირველ ტაიმში 12:10 იმარჯვა. ლელოები რამაზ მაზმიშვილმა და მიხეილ ახობაძემ გაიტანეს, ერთი გარდასახვა კი დავით მოძღვრიშვილმა გაიტანა, "ყოჩების" მხრიდან კი ლელო ლევან გენებაშვილმა დადო, გარდასახვა და ჯარიმა ლაშა მალაღურაძემ შეასრულა ზუსტად.

მეორე ნახევრის დებიუტში "ყოჩები" ლელოთი გიორგი ნოდიამ დააწინაურა, გარდასახვა კი კვლავ მალაღურაძემ შეასრულა ზუსტად. საპასუხოდ, მასპინძელთა მხრიდან ლელოები ვანო ბერიკაშვილმა და თორნიკე ზოიძემ გაიტანეს, ერთი გარდასახვა მოძღვრიშვილა შეასრულა ზუსტად და "აკადემიამ" 24:17 იმარჯვა. მატჩის საუკეთესო მორაგბედ გამარჯვებული გუნდის გარემარბი მიხეილ ახობაძე დასახელდა. 

ამრიგად, "აკადემიამ" ბრინჯაოს მედალი ისტორიაში პირველად მოიპოვა. "მხატვრებს" აქამდე ვერცხლის მედლები ორჯერ ჰქონდათ მოპოვებილი.