38 წლის გიორგი შკინინის ბრწყინვალე 80-მეტრიანი ლელო პორტუგალიის 7-კაცა ნაკრების წინააღმდეგ (VIDEO)

© TrySportimages

საქართველოს 7-კაცა ნაკრები რაგბი ევროპის ჩემპიონატის სერიის პირველ ეტაპზე, რომელიც ლისაბონში ტარდება, ჯგუფური ეტაპის გახსნით მატჩში მასპინძელ პორტუგალიასთან 12:19 დამარცხდა.

პორტუგალიელებმა სამი ლელო გაიტანეს და 19:0 დაწინაურდნენ, ამის შემდეგ ქართველმა მორაგბეებმა ორი საპასუხო ლელოს დადება მოახერხეს, თუმცა მეტის გასაკეთებლად დრო აღარ იყო დარჩენილი და ჯაბა მალაღურაძის გუნდმა ტურნირი მარცხით დაიწყო.

ბრწყინვალე ლელო გაიტანა 38 წლის გიორგი შკინინმა, რომელმაც შესანიშნავი 80-მეტრიანი რეიდი მოაწყო, გზად სამი მოწინააღმდეგე ჩამოიშორა და ბურთი მეტოქის ლელოში დაამიწა. იხილეთ შკინინის ლელო.

მომდევნო მატჩს საქართველოს 7-კაცა ნაკრები 16:30 საათზე გერმანიის წინააღმდეგ ჩაატარებს.