ოფიციალურად: საქართველოს ნაკრების მეორეხაზელმა ტარბი დატოვა

საქართველოს ნაკრების მეორეხაზელმა დავით გიგაურმა "ტარბი" დატოვა. აღნიშნული ინფორმაცია ფრანგული კლუბის ოფიციალურმა ვებგვერდმა დაადასტურა.

გიგაურის გარდა, "ტარბი" კიდევ ცხრა მორაგბემ დატოვა. სოციალური ქსელის საშუალებით კლუბმა წამსვლელ მორაგბეებს გაწეული სამსახურისთვის მადლობა გადაუხადა და სამომავლო კარიერაში წარმატებები უსურვა. 

27 წლის მეორეხაზელი "ტარბის" გასულ ზაფხულს "კოლომიედან" შეუერთდა და ნასიონალში ჩატარებულ 14 მატჩში 1 ლელო გაიტანა. გიგაურს საქართველოს ნაკრებში დებიუტი 2019 წელს ჰქონდა, მას შემდეგ 11 კეპი მოიხვეჭა და 1 ლელო მიითვალა. ჯერჯერობით უცნობია, თუ სად განაგრძობს კარიერას.