ექვსი ქართველი ძირითადი გუნდის განაცხადში - ორიაკმა 2021/2022 წლების შემადგენლობა გამოაქვეყნა

"ორიაკმა" პრო დ2-ის 2021/2022 წლების სეზონისთვის ძირითადი გუნდის განაცხადი გამოაქვეყნა, რომელიც 46 მორაგბისგან შედგება. 

განაცხადში 20 უკანახაზელი და 26 შერკინების მოთამაშეა. აქედან 6 მორაგბე ქართველია. ესენი არიან: მარჯვენა ბურჯი გიორგი ქართველიშვილი, კვაჭი ლუკა ნიორაძე, მეორეხაზელი გიორგი ჯავახია, მესამეხაზელი გიორგი ცუცქირიძე, ჰავბექი მიხეილ ალანია და ფულბექი გიორგი გოგოლაძე.

გარდა ამისა, "ორიაკის" ესპუარებში ასპარეზობენ: ბურჯი ნიკოლოზ ქარდავა, მესამეხაზელი ბექა შვანგირაძე და ფულბექი დაჩი პაპუნაშვილი. ასევე ცნობილია, რომ მათ რიცხვს შეუერთდება ქუთაისის "აიას" 17 წლის კვაჭი ბასა ხონელიძე.