ბექა საღინაძე პრო დ2-ის სეზონის ახალგაზრდულ სიმბოლურ გუნდში მოხვდა

საქართველოს ნაკრების მესამეხაზელი ბექა საღინაძე პრო დ2-ის 2020/2021 წლების სეზონის ახალგაზრდულ სიმბოლურ გუნდში მოხვდა, რომელიც ცნობილმა ფრანგულმა სარაგბო გამოცემა "რაგბირამამ" შეადგინა.

სიმბოლურ გუნდში მყოფი მორაგბეების მაქსიმალური ასაკი 25 წელს შეადგენს. ისიც მხოლოდ ერთი მოთამაშეა 25 წლის - "ვალანს რომანსის" და არგენტინის ნაკრების შუამარბი ლუკას მენსა. ყველაზე ახალგაზრდა მორაგბე კი "პერპინიანის" მარცხენა ბურჯი საშა ლოტრიო არის, რომელიც 20 წლის გახლავთ. 

ვნახოთ, რას წერს "რაგბირამა" საღინაძეზე:

7. ბექა საღინაძე

"ორიაკი" - 22 წლის - 192 სმ - 108 კგ - საქართველო

"ჭეშმარიტი ქართული სტილით გამოირჩევა. ბექამ "ორიაკში" ბევრი სამუშაო შეასრულა. ფიზიკურად ძლიერი და მკაცრი ბოჭვებით ცნობილი, რომელმაც "ორიაკის" ძირითად შემადგენლობაში 15 შეხვედრა ჩაატარა. საბოლოო ჯამში შეიძლება ითქვას, რომ არც თუ ისე დიდი სათამაშო დრო ჰქონდა, მაგრამ არ უნდა დავივიწყოთ, რომ მან საქართველოს ნაკრებთან ერთად 7 შვიდი შეხვედრა ჩაატარა, რომლის ძირითადი შემადგენლობის წევრიც გახლავთ. პრო დ2-ში მისმა კარგმა თამაშმა კი გამოიწვია ის, რომ ბექამ "ლიონთან" გააფორმა კონტრაქტი და ახალი სეზონიდან ტოპ 14-ში ითამაშებს."