ოფიციალურად: გიორგი ჭყოიძემ პენზას ლოკომოტივთან კონტრაქტი გაახანგრძლივა

საქართველოს ნაკრების კვაჭმა გიორგი ჭყოიძემ პენზას "ლოკომოტივთან" კონტრაქტი ერთი წლით გაახანგრძლივა. 

30 წლის ჭყოიძე "ლოკომოტივს" 2019 წელს "ლელო სარასენსიდან" შეუერთდა და 2020/2021 წლების რუსეთის ჩემპიონატში ერთ-ერთი გამორჩეული მოთამაშე გახლდათ. გიორგი პენზელთა შეუცვლელ მოთამაშედ იქცა და დიდი წვლილი შეიტანა, რომ მისმა გუნდმა რეგულარულ ჩემპიონატში იმარჯვა, ხოლო მთლიანობაში ვერცხლის მედლებს დაეუფლა. 

როგორც მოგეხსენებათ, "ლოკომოტივი" რუსეთის ჩემპიონატის ფინალში "ენისეისთან" ორივე მატჩში დამარცხდა. ქართველმა კვაჭმა პენზელებთან ახალი კონტრაქტი ფინალური მატჩის მეორე დღეს გააფორმა. 

შეგახსენებთ, რომ ჭყოიძეს საქართველოს ნაკრების კვართით 16-ჯერ უთამაშია.