დავით მესხი და მიხეილ გაჩეჩილაძე რუსეთის ჩემპიონები არიან - ენისეიმ საპასუხო მატჩში იმარჯვა

რუსეთის ჩემპიონატის ფინალური ეტაპის საპასუხო მატჩში კრასნოიარსკის "ენისეიმ" პენზას "ლოკომოტივი" გასვლაზეც დაამარცხა და საჩემპიონო ტიტული მოიპოვა. 

პირველ მატჩში "ენისეიმ" დიდი ანგარიშით 48:6 იმარჯვა, ხოლო განმეორებით შეხვედრაში 29:13 გაიმარჯვა და რუსეთის ჩემპიონი ზედიზედ მეხუთედ, სულ კი მეთერთმეტედ მოიპოვა. კრასნოიარსკელთა ძირითად შემადგენლობაში იყვნენ მესამეხაზელი მიხეილ გაჩეჩილაძე და ფრთა დავით მესხი, რომლებმსაც დღევანდელ მატჩში ლელო არ დაუდიათ, თუმცა "ენისეის" ჩემპიონობაში ძალიან დიდი წვლილი შეიტანეს. 

პენზელთა სასტარტო თხუთმეტეულში იყვნენ კვაჭი გიორგი ჭყოიძე, მარჯვენა ბურჯი ტარიელ დონაძე, მესამეხაზელი ილია სპანდერაშვილი და შუამარბი ნიკოლოზ ცირეკიძე, ხოლო ღერძი რევაზ ბროძელი შეცვლაზე გამოჩნდა.