რობერტ სუთიძის ლელო მე-3 ადგილისთვის მატჩში - კრასნი იარი ბრინჯაოს მედლებს დაეუფლა (VIDEO)

რუსეთის ჩემპიონატის მე-3 ადგილისთვის განმეორებით მატჩში კრასნოიარსკის "კრასნი იარმა" ნოვოკუზნეცკის "მეტალურგი" მეორე მატჩში დაამარცხა და ბრინჯაოს მედლები მოიპოვა.

პირველ მატჩში "მეტალურგს" 13:11 ჰქონდა მოგებული, ხოლო საპასუხო მატჩში კრასნოიარსკელებმა 21:7 იმარჯვეს და მე-3 ადგილი დაიკავეს.

"კრასნი იარის" ძირითად შემადგენლობაში იყვნენ კვაჭი რობერტ სუთიძე, მესამეხაზელი ნიკო აფციაური და შუამარბი გიორგი ფრუიძე, ხოლო "მეტალურგის" სასტარტო თხუთმეტეულში იყვნენ პირველხაზელები მიხეილ რატიაშვილი და მამუკა ხეჩიკოვი, მეორეხაზელი ვლადიმერ გოგოლიძე, მესამეხაზელი ნიკოლოზ სუხაშვილი და შუამარბი ნიკოლოზ ბერძული. შეხვედრის მეოთხე წუთზე მატჩის პირველი ლელო რობერტ სუთიძემ მიითვალა.