როგორც მოსალოდნელი იყო 2024 ის ერთა თასისთვის ახალმა მწვრთნელმა, დატოვებულ შემადგენლობაში ცვლილებები შეიტანა და ერთბაშად 11 დებიუტანტს უხმო
2021 წლის რაგბი ევროპის ჩემპიონატზე გადასასვლელ მატჩში ვატერლოში ერთმანეთს ბელგიის და ნიდერლანდების ნაკრებები დაუპირისპირდნენ.
სხვადასხვა ფაქტორების, განსაკუთრებით კი საშინაო მოედნის და სათამაშო გამოცდილების გათვალისწინებით ფავორიტად ბელგია ითვლებოდა, თუმცა "ნარიჯისფრებმა" მეტოქეს არაფერი დაუთმეს, მთელ რიგ კომპონენტებში აჯობეს და სრულიად დამსახურებულად იმარჯვეს. ერთადერთი სათამაშო კომპონენტი, რომელშიც ბელგიამ აშკარად აჯობა ნიდერლანდებს მოლი იყო, საიდანაც მასპინძლებმა მეტოქეს უდიდესი პრობლემები შეუქმნეს და მოლის წყალობით, კინაღამ შეძლეს ელიტაში ადგილის შენარჩუნება, თუმცა მხოლოდ მოლი საკმარისი არ გამოდგა და გაცილებით უკეთესად მობურთალმა გუნდმა იმარჯვა.
პირველი ნახევარი 0:10 დასრულდა. მათმა შუამარბმა დევიდ ვერსმა ლელო დადო, რომელიც თავადვე გარდასახა და ჯარიმაც გაიტანა. მეორე ნახევრის დასაწყისში მან კიდევ ერთი ჯარიმა გაიტანა და 55 წუთის შემდეგ სტუმრები 0:13 იგებდნენ. ამის შემდეგ, ბელგიელებიც გამოცოცხლდნენ და ამ მატჩში მათი ფაქტობრივად ერთადერთი იარაღი მოლი აამუშავეს. მათ 57-ე წუთზე ჯარიმის უპირატესობა მოიპოვეს, შემდეგ კი აიღე და მიეძალე გააჩაღეს და სხვაობა 6 ქულამდე შეამცირეს. ამის შემდეგ სტუმრებს მოთამაშეც გაუსინბინეს, ხოლო ბელგიელებმა მეორე ლელოც მიითვალეს და 68-ე წუთზე პირველად დაწინაურდნენ.
კაცნაკლული ნიდერლანდები არ გარტყდა და სამ წუთში მშვენიერი ლელოთი უპასუხა მეტოქეს, თუმცა კიდევ ორ წუთში ბელგიელებმა მესამე გარდასახული ლელოც მიითვალეს და მატჩის დასრულებამდე ექვსი წუთით ადრე ერთი ქულით დაწინაურდნენ. გადამწყვეტი მომენტი 77-ე წუთზე ვიხილეთ - მასპინძლები საკუთარ 22-თან ახლოს მოედნის შუაში დაჯარიმდნენ, დევიდ ვერსმა კი ჯარიმა ზუსტად შეასრულა. დარჩენილ დროში ნიდერლანდებმა ბურთი მოიპოვეს, მეტოქის ნახევარზე დრო გაიყვანეს და მათ სარაგბო ისტორიაში უმნიშვნელოვანესი გამარჯვება იზეიმეს - 21:23.
ამრიგად, ნიდერლანდები რაგბი ევროპის ჩემპიონატზე 2002 წლის შემდეგ პირველად იასპარეზებს. "ნარინჯისფრები" 26 ივნისს თელავში საქართველოს ნაკრების ესტუმრებიან და ისინი 2023 წლის მსოფლიო თასის საგზურის მოსაპოვებლად საკვალიფიკაციო ეტაპზეც მიიღებენ მონაწილეობას.
როგორც მოსალოდნელი იყო 2024 ის ერთა თასისთვის ახალმა მწვრთნელმა, დატოვებულ შემადგენლობაში ცვლილებები შეიტანა და ერთბაშად 11 დებიუტანტს უხმო
აღსანიშნავია, რომ "ლე ბლემ" "ოლ ბლექსის" დამარცხება 2009 წლის შემდეგ პირველად მოახერხა.
ლონდონში "თვიქნემ სთედიუმზე" ერთმანეთს 2019 წლის მსოფლიო თასის ფინალისტები ინგლისი და სამხრეთ აფრიკა დაუპირისპირდნენ, რომელშიც
ბორჯღალოსნების მთავარი მწვრთნელი ლევან მაისაშვილი, ესპანეთში ფიჯისთან ნაჩვენები თამაშით კმაყოფილი დარჩა.