სკანდალი დიდ 10-ში! - მსაჯები გაიფიცნენ, ნახევარფინალები დღეს არ ჩატარდება

როგორც ჩვენთვის ცნობილი გახდა, დღეს გასამართი დიდი 10-ის ნახევარფინალური მატჩები არ ჩატარდება. 

აღნიშნულის მიზეზი მსაჯების გაფიცვა გახლავთ. მათ ეს ფაქტი დაადასტურეს, თუმცა კომენტარის გაკეთებისგან ამ ეტაპზე თავი შეიკავეს და აღნიშნეს, რომ ამის შესახებ ჯობს რაგბის კავშირში გააკეთონ კომენტარი. 

როგორც ჩვენთვის ცნობილია, მსაჯების გაფიცვის მიზეზი სადისციპლინო კოდექსით განსაზღვრული პუნქტების არასრულყოფილად შესრულებაა, რის გამოც მსაჯებზე დიდი წნეხი ხორციელდება და ისინი ხშირად ხდებიან აგრესიის ობიექტები, მათ შორის არაერთხელ ყოფილა მსაჯებზე სიტყვიერი შეურაცხყოფის ფაქტები და ბოლო პერიოდში ფიზიკურად შეხების ფაქტიც დაფიქსირდა.