ასაფო აუმუამ სუპერ რაგბიში ულამაზესი ლელო გაიტანა (VIDEO)

დღეს ტრანს-ტასმან სუპერ რაგბის მესამე ტურის მატჩი გაიმართა, რომელშიც "ჰარიქეინსი" ველინგტონში "ვესტერნ ფორსს" დაუხვდა და დიდი სხვაობით 43:6 სძლია.

ულამაზესი გამოდგა "ჰარიქეინსის" პირველი ლელო - მე-13 წუთზე მათმა კვაჭმა ასაფო აუმუამ მეტოქის მიერ ცუდად მოწოდებული აუტის შემდეგ ბურთი ჩაიგდო, საკუთარი ნახევრიდან დაახლოებით 60 მეტრი პირველიხაზელისთვის უჩვეულო სისწრაფით გაირბინა, გზად სამი მოწინააღმდეგე ჩამოიშორა და ულამაზესი ლელო მიითვალა, რომელმაც სხვადასხვა სარაგბო გამოცემები და გულშემატკივრები აღაფრთოვანა. 

აღსანიშნავია, რომ აუმუა ლამაზი მომენტებით ხშირად გამოირჩევა და პირველხაზელისთვის უჩვეულო უნარები ბევრჯერ გამოუვლენია. მისი ხილვის საშუალება ქართველ გულშემატკივარსაც ჰქონდა - საქართველოში 2017 წელს ჩატარებულ მსოფლიოს 20-წლამდელთა ჩემპიონატზე ახალზელანდიელი კვაჭი გამორჩეული იყო და არაერთი დასამახსოვრებელი ეპიზოდი შემოგვთავაზა.