იტალიური რაგბის ლეგენდა კარიერის დასრულებას არ აპირებს და გამოსამშვიდობებელ მატჩს გეგმავს

იტალიური რაგბის ლეგენდა სერჯო პარისე (142 კეპი) კარიერის დასრულებას კვლავ არ აპირებს.

პარისე, რომელსაც სექტემბერში 38 წელი შეუსრულდება, "ტულონში" კიდევ ერთი სეზონი ითამაშებს. გარდა ამისა, სერჯოს კვლავ სურს იტალიის ნაკრებში გამოსამშვიდობებელი შეხვედრის ჩატარება. როგორც იცით, იტალიის ნაკრებმა 2019 წლის მსოფლიო თასზე ჯგუფური ეტაპის ბოლო მატჩი ახალი ზელანდიის წინააღმდეგ ტაიფუნ ჰაგიბისის გამო ვერ ითამაშა. შემდეგ კი პანდემიის და ტრავმის გამო პარისემ გამოსამშვიდობებელი შეხვედრა ვერ ჩაატარა. 

გავრცელებული ინფორმაციის თანახმად, პარისე სავარაუდოდ იტალიის ნაკრებს ნოემბრის ტესტებზე გამოემშვიდობება, როდესაც "აძური" შინ ავსტრალიას, ახალ ზელანდიას და ურუგვაის მიიღებს. სერჯო აღნიშნული მეტოქეებიდან ერთ-ერთის წინააღმდეგ საკუთარი გულშემატკივრების წინაშე ითამაშებს.

პარისემ მიმდინარე სეზონში "ტულონის" რიგებში 15 შეხვედრა ჩაატარა და 1 ლელო გაიტანა.