არგენტინის ნაკრების გარემარბი კარიერას კატალონიაში განაგრძობს

არგენტინის ნაკრების გარემარბი ბატისტა დელგი სეზონის ბოლოს "ბორდოს" დატოვებს და კარიერას დიდი ალბათობით "პერპინიანში" განაგრძობს. აღნიშნულ ინფორმაციას ფრანგული გამოცემა France Bleu ავრცელებს.

გავრცელებული ინფორმაციის თანახმად, 24 წლის გარემარბის კონტრაქტი იმ შემთხვევაში ამოქმედდება, თუ კატალონიელები ტოპ 14-ის საგზურს მოიპოვებენ. "პერპინიანმა" პრო დ2-ის რეგულარული ჩემპიონატი მოიგო, ნახევარფინალში შინ "ოიონას" ეთამაშება და ელიტაში აღზევების უმთავრეს კანდიდატად ითვლება. 

დელგი "ბორდოს" 2020 წელს "ხაგუარესიდან" შეუერთდა და ტოპ 14-ში ჩატარებულ 7 მატჩში 2 ლელოს გატანა მოახერხა.