ოფიციალურად: ზაზა ნავროზაშვილმა პროვანსი დატოვა

28 წლის ბურჯმა ზაზა ნავროზაშვილმა "პროვანს რაგბი" დატოვა. აღნიშნული ინფორმაცია პროვანსელთა ოფიციალურმა ვებგვერდმა დაადასტურა.

"პროვანსის" ოფიციალურმა გვერდმა ნავროზაშვილს კლუბში გატარებული ორი სეზონისთვის მადლობა გადაუხადა და სამომავლოდ წარმატებები უსურვა. ჯერჯერობით უცნობია, თუ სად განაგრძობს კარიერას ქართველი ბურჯი.

ნავროზაშვილი "პროვანსს" 2019 წელს "ალბიდან" შეუერთდა და 27 შეხვედრა ჩაატარა. მან წლევანდელ პრო დ2-ში 18-ჯერ ითამაშა, საიდან ძირითად შემადგენლობაში 4-ჯერ იყო და 2 ლელო გაიტანა. ზაზა ზემოხსენებული გუნდების გარდა, "ბორდოში" და "ლიონში" ასპარეზობდა.