3 ქართველი - ორიაკმა მომდევნო სეზონის შემადგენლობის წარდგენა პირველ და მეორეხაზელებით დაიწყო

გასულ პარასკევს პრო დ2-ის რეგულარული გათამაშება დასრულდა, რომელშიც ქართველი მორაგბეების სიმრავლით ცნობილმა "ორიაკმა" გაჭირვებით მოახერხა ადგილის შენარჩუნება.

როგორც ჩანს, "ორიაკის" ხელმძღვანელობა დროს არ კარგავს და უკვე მომდევნო სეზონზე ფიქრობს. დღეს კლუბის ოფიციალურ ფეისბუქზე უკვე მომდევნო სეზონის შემადგენლობის წარდგენა დაიწყო. "ორიაკი" ამის გაკეთებას პირველ და მეორეხაზელებით შეუდგა. შესაბამისად, უკვე გავიგეთ, რომ 2021/2022 წლების სეზონში "ორიაკის" ძირითად გუნდში იასპარეზებენ: კვაჭი ლუკა ნიორაძე, მარჯვენა ბურჯი გიორგი ქართველიშვილი და მეორეხაზელი გიორგი ჯავახია, რომლებიც წლევანდელ სეზონში კლუბისთვის საკმაოდ მნიშვნელოვანი მორაგბეები იყვნენ. 

მომდევნო დღეებში კლუბი სხვა პოზიციის მორაგბეებსაც წარადგენს და ქართველი მოთამაშეების შესახებ ინფორმაციას რასაკვირველია მოგაწვდით.