დიდი 10-ის ორმატჩიანი პლეი-აუტის განრიგი ცნობილია

დიდი 10-ის 2021/2022 წლების სეზონის ბოლო საგზურისთვის ერთმანეთს პირველი ლიგის მეორე ადგილოსანი თბილისის "არმია" და დიდი 10-ის ქვედა ექვსეულის მესამე ადგილოსანი ქუთაისის "არესი" დაუპირისპირდებიან. 

პირველი მატჩი თბილისში, ავჭალის სარაგბო სტადიონზე 23 მაისს 16 საათზე გაიმართება, ხოლო განმეორებითი დაპირისპირება ერთი კვირის თავზე 30 მაისს შედგება. ორმატჩიან დუელში გამარჯვებული გაისად დიდ 10-ში ითამაშებს, ხოლო დამარცხებულს პირველ ლიგაში მოუწევს ასპარეზობა.