დიდი 10-ის მეოთხედფინალური ეტაპის განრიგი

© დიდი 10 • Didi 10

რეგულარული ჩემპიონატის დასრულების შემდეგ, დიდი 10-ის პლეი-ოფები იწყება.

მეოთხედფინალური ეტაპი შაბათს 22 მაისს გაიმართება. 16 საათზე მესამე ადგილოსანი "აკადემია" "რაგბი პლატოზე" მეექვსე ადგილზე გასულ "ლოკომოტივს" დაუხვდება. მათგან გამარჯვებული ერთი კვირის თავზე სტუმრად "ბათუმს" შეერკინება, რომელმაც რეგულარულ ჩემპიონატში მეორე პოზიცია დაიკავა და შესაბამისად, მეოთხედფინალში დასვენება დაიმსახურა.

18:45 საათზე მეოთხე ადგილოსანი "იუნკერები" ავჭალის სტადიონზე მეხუთე პოზიციაზე გასულ "ყოჩებს" შეერკინება. მათი გამარჯვებული 29 მაისს ქუთაისში რეგულარული ჩემპიონატის გამარჯვებულს "აიას" ესტუმრება, რომელიც პლეი-ოფში ნახევარფინალიდან ჩაერთვება.