ფრანგული პრესა: ჯემალ შატირიშვილი ორიაკს დატოვებს

22 წლის ბურჯი ჯემალ შატირიშვილი "ორიაკს" დატოვებს. აღნიშნულ ინფორმაციას ფრანგული გამოცემა Lamontagne.Fr ავრცელებს.

ზემოხსენებული გამოცემის ცნობით, შატირიშვილთან ერთად კლუბს დატოვებენ კვაჭი ბენუა რიუ და მესამეხაზელი ლოიკ როქუეტი. ქართველ ბურჯს "ორიაკთან" კონტრაქტი 30 ივნისს ეწურება. ჯერჯერობით უცნობია, თუ სად განაგრძობს კარიერას.

შატირიშვილი "ორიაკში" 2019 წელს "ლა როშელიდან" გადავიდა და ძირითად გუნდში 20 მატჩი ჩაატარა. მან წლევანდელ პრო დ2-ში 12 შეხვედრა ჩაატარა, საიდან ძირითად შემადგენლობაში 2-ჯერ იყო.