ინგლისში გულშემატკივრები დაბრუნდნენ (ფოტოკოლაჟი)

© Harry Trump

პრემიერშიპის მე-19 ტურში ღირშესანიშნავი რამ მოხდა - სტადიონზე გულშემატკივრები დაბრუნდნენ. 

ინგლისში სპორტულ ღონისძიებებზე გულშემატკივრების დაშვება 17 მაისიდან გახდა ნებადართული, ოღონდ შეზღუდული რაოდენობით, იმის მიხედვით, თუ რამდენ გულშემატკივარს იტევს კონკრეტული სტადიონი. 

პრემიერშიპის განვლილ ტურში ერთი მატჩი 14 მაისს გაიმართა, ხოლო ორი 15-ში. შესაბამისად, ამ მატჩებმა კვლავ ცარიელი ტრიბუნების ფონზე ჩაიარა, ხოლო 17 მაისს გამართულ ორივე მატჩში და 18-ში ტურის დასკვნით შეხვედრაში სტადიონზე ხანგრძლივი პაუზის შემდეგ ქომაგები გამოჩნდნენ.

17 მაისს "ნიუკასლ ფალკონსმა" "კინგსტონ პარკზე" "ნორსჰემპტონი" 18:10 დაამარცხა. აღნიშნული სტადიონი 10 200 გულშემატკივარს იტევს და ამ მატჩს 1750 ქომაგი დაესწრო, ხოლო პარალელურ მატჩში, რომელშიც "ეშტონ გეითზე" "ბრისტოლმა" "გლოსტერი" 39:7 დაამარცხა 3183 ფანმა მოიყარა თავი. ამ არენის ტევადობა 27 000 გახლავთ.

გუშინ კი "ლონდონ აირიში" "კომუნითი სთედიუმზე" "ექსეტერ ჩიფსს" დაუხვდა და 12:31 დამარცხდა. 17 250 ტევადობის სტადიონზე 4000 გულშემატკივარი მივიდა.