ოფიციალურად: საბა ყაულაშვილი ბორდოს დატოვებს

დღეს "ბორდოს" ოფიციალურმა ვებგვერდმა ესპუარების გუნდის იმ მორაგბეების სია გამოაქვეყნა, რომლებსაც სეზონის ბოლოს ჟირონდულ კლუბთან კონტრაქტი ეწურებათ და "ბორდოს" დატოვებენ. 

"ბორდოს" ესპუარებს სეზონის ბოლოს 12 მორაგბე დატოვებს. აღნიშნულ სიაში ფიგურირებს ახალგაზრდა ქართველი ბურჯი საბა ყაულაშვილი, რომელიც ჟირონდელთა ძირითადი გუნდის ბურჯის, ბორჯღალოსანი ლექსო ყაულაშვილის უმცროსი ძმაა. საბა "ბორდოს" ესპუარებს 2017 წელს თბილისის "ლოკომოტივიდან" შეუერთდა და ჟირონდელთა მოსამზადებელ ცენტრში სამი წელი გაატარა. შესაბამისად, მას "ჟიფის" ანუ ფრანგ მოთამაშესთან გამათანაბრებელი სტატუსი უნდა ერგოს. 

საბას "ბორდოს" ძირითად გუნდში არ უთამაშია. ჯერჯერობით უცნობია, თუ სად განაგრძობს კარიერას 21 წლის პირველხაზელი.