ფრანგული პრესა: მირიან ბურდული ვალანს რომანსს დატოვებს და პრო დ2-ის კლუბში გადავა

© Icon Sport

ცნობილი ფრანგული სარაგბო გამოცემა "მიდი-ოლიმპიკი" წერს, რომ ქართველი მარჯვენა ბურჯი მირიან ბურდული ნასიონალ ლიგაში დაქვეითებულ "ვალანს რომანსს" დატოვებს და კარიერას პრო დ2-ის "მონტობანში" განაგრძობს.

ზემოხსენებული წყაროს ცნობით, ბურდულის გარდა, "მონტობანი" ვალანსელთაგან კიდევ ერთ მორაგბეს დაიმატებს - 27 წლის არგენტინელ უკანახაზელ სეგუნდო ტუკულეტს. 

30 წლის ბურდული "ვალანს რომანსს" 2019 წელს "კარკასონიდან" შეუერთდა და ორი სეზონის განმავლობაში 46 შეხვედრა ჩაატარა. მან წლევანდელ პრო დ2-ში 27-ჯერ ითამაშა, საიდანაც 23-ჯერ სასტარტო თხუთმეტეულში იმყოფებოდა.