ფრანგული პრესა: თამაზ მჭედლიძე რუანს დატოვებს

საქართველოს ნაკრების შუამარბი თამაზ მჭედლიძე მომდევნო სეზონიდან "რუანში" აღარ ითამაშებს. აღნიშნულ ინფორმაციას ფრანგული გამოცემა paris-normandie.fr ავრცელებს.

მჭედლიძე "რუანს" 2019 წელს "აჟენიდან" შეუერთდა და ამ დროის განმავლობაში ჩატარებულ 22 მატჩში 1 ლელო გაიტანა. მან წლევანდელ პრო დ2-ში 13 შეხვედრაში მიიღო მონაწილეობა. ჯერჯერობით უცნობია, თუ სად განაგრძობს კარიერას. 

28 წლის მჭედლიძე საქართველოს ნაკრების კვართით 61-ჯერ უთამაშია და 7 ლელოს გატანა მოახერხა. მან 2015 და 2019 წლების მსოფლიო თასებზე მიიღო მონაწილეობა.