ირაკლი ნატრიაშვილმა კარიერა დაასრულა

© დიდი 10

საქართველოს ნაკრების ყოფილმა კვაჭმა ირაკლი ნატრიაშვილმა სარაგბო კარიერა დაასრულა.

ნატრიაშვილმა კარიერის ბოლო შეხვედრა დღეს ჩაატარა, რომელშიც მისმა გუნდმა "ხარებმა" შინ "არესი" 47:7 დაამარცხა. ირაკლი ძირითად შემადგენლობაში იყო და პირველი ტაიმი ითამაშა. 

37 წლის კვაჭი 2011-2013 წლებში "ბრივში" თამაშობდა და 48 მატჩში 3 ლელოს გატანა მოახერხა, 2014-2015 წლები ფედერალ 1-ის "ტიულში" გაატარა, სადაც 11 შეხვედრა ჩაატარა, შემდეგ კი 2015-2016 წლების სეზონში "ტულონში" და "კლერმონში" ასპარეზობდა, საიდანაც "ბაია მარეს" მიაშურა და ორი სეზონი იასპარეზა, ბოლოს კი სამშობლოში დაბრუნდა და რუსთავის "ხარებში" ჩაირიცხა.

ნატრიაშვილმა 2006-2015 წლებში საქართველოს ნაკრების კვართი 40-ჯერ მოირგო და 4 ლელო გაიტანა.