დიდი 10: ხარებმა არესი დიდი სხვაობით დაამარცხა და ქვედა ექვსეული პირველ ადგილზე დაასრულა

© გოგიტა ბუხაიძე

დიდი 10-ის რეგულარული გათამაშების ბოლო ტურში "ხარებმა" შინ "არესი" ბონუსით 47:7 დაამარცხა და ქვედა ექვსეული პირველ ადგილზე დაასრულა. 

რუსთაველებმა მეტოქე შვიდჯერ დაალელოვეს, თავად კი ერთი გაუშვეს. დუბლი შეასრულა ლევან ნარიმანიძემ, ხოლო თითო ლელო გიორგი ნარიმანიძემ, გიორგი კოშაძემ, გიგა ქვლივიძემ, ბექა ბებიაშვილმა და ანდრო ღარიბაშვილმა გაიტანეს. ქუთაისელთაგან პრესტიჟის ლელო გიორგი ტორაძემ დადო. 

"ხარებმა" 39 ქულა დააგროვა და როგორც ვთქვით, ქვედა ექვსეული პირველ ადგილზე დაასრულა, ხოლო "არესი" 25 ქულით მესამე ადგილზე გავიდა, რაც იმას ნიშნავს, რომ ისინი ორმატჩიან პლეი-აუტში "არმიას" დაუპირისპირდებიან, რომელთაგან უძლიერესი გაისად დიდ 10-ში ითამაშებს.