გიორგი კვესელაძე გლოსტერის ძირითად შემადგენლობაში ზედიზედ მეორედ ითამაშებს

© David Rogers

პრემიერშიპის მე-19 ტურში გათამაშების ლიდერი "ბრისტოლი" "ეშტონ გეითზე" "გლოსტერს" დაუხვდება.

"გლოსტერის" ძირითად შემადგენლობაში ზედიზედ მეორედ ითამაშებს საქართველოს ნაკრების შუამარბი გიორგი კვესელაძე, რომელმაც პირველად ინგლისური კლუბის რიგებში სასტარტო თხუთმეტეულში გასულ ტურში "ნორსჰემპტონის" წინააღმდეგ ითამაშა და საკმაოდ კარგი შეხვედრა ჩაატარა, რაც დაუფასდა და კვლავ ძირითადში იქნება. კვესელაძეს საკმაოდ რთული გამოცდა ელის, რადგან მის პირისპირ მსოფლიოში ერთ-ერთი საუკეთესო შუამარბი სემი რადრადრა ითამაშებს. გიორგი პრემიერშიპში მეხუთე შეხვედრას ჩაატარებს. 

"გლოსტერი" 36 ქულით მეათე ადგილზეა და გამარჯვების შემთხვევაში ჩემპიონთა თასზე გასვლის შანსს შეინარჩუნებს.