კასტრის რიგებში ლევან ჩილაჩავას დებიუტი შედგა - ბორდომ მძიმე ბრძოლაში იმარჯვა

ტოპ 14-ის 24-ე ტურში "ბორდო" "სტად შაბან-დელმაზე" "კასტრს" დაუხვდა და მძიმე ბრძოლაში 20:16 აჯობა.

"ბორდოს" შემადგენლობაში მარცხენა ბურჯის პოზიციაზე 54-ე წუთზე ლექსო ყაულაშვილი გამოჩნდა, რომელმაც 20 წუთი ითამაშა, 75-ე წუთზე კი მოედანი სავარაუდოდ მცირე ტრავმის გამო დატოვა. ასევე 54-ე წუთზე შევიდა მინდორზე მარჯვენა ბურჯი ლევან ჩილაჩავა, რომელსაც "კასტრის" რიგებში დებიუტი ჰქონდა და შეგვიძლია ვთქვათ, რომ საკმაოდ კარგადაც გამოიყურებოდა. მან ბოლო წუთზე დანიშნულ შერკინებაში ჟეფერსონ პოარო დააჯარიმა და საკუთარ გუნდს გამარჯვების შანსი მისცა, მაგრამ მეტოქის ლელოდან დაახლოებით 10 მეტრში "კასტრმა" საკუთარი აუტი წააგო, დრო კი უკვე გაწითლებული იყო და ჟირონდელებმა ბურთი უმალ მოედნის მიღმა გადააგდეს. 

"ბორდო" 62 ქულით მეხუთე ადგილზეა, ხოლო "კასტრი" მეცხრე პოზიციაზეა, მაგრამ იმავე "ბორდოს", "სტად ფრანსეს" და "ტულონს" ის და "ლიონი" მხოლოდ ორი ქულით ჩამორჩებიან. ამრიგად, ბოლო ორ ტურში პლეი-ოფის ბოლო ორი საგზურისთვის დიდი ბრძოლა გველის.