20 წლის ქართველ მესამეხაზელს მონპელიეს ძირითად გუნდში დებიუტი ექნება

© Icon Sport

ტოპ 14-ის 24-ე ტურში "სტად ფრანსე" "სტად ჟან-ბუენზე" "მონპელიეს" დაუხვდება.

"მონპელიეს" ძირითად გუნდში დებიუტი ექნება 20 წლის ქართველ მესამეხაზელ გიგი ლეშკაშელს, რომელსაც სასტარტო შემადგენლობაში რვა ნომრის პოზიციაზე ვიხილავთ. გიგი "მონპელიეში" 2019 წელს ჩაირიცხა და ესპუარების გუნდში რეგულარულად ასპარეზობს. ის განვლილ სეზონში 7-კაცას ფესტივალზეც გამოჩნდა, თუმცა ძირითად გუნდში თამაშის შანსი აქამდე არ ჰქონია. 

გიგი ქუთაისის "აიას" სარაგბო სკოლის აღზრდილია. მას საქართველოს 20-წლამდელთა ნაკრებში უთამაშია, თუმცა ახალგაზრდულ მსოფლიო ჩემპიონატზე მონაწილეობა არ მიუღია. 

ზემოხსენებული მატჩი შაბათს თბილისის დროით 19 საათზე დაიწყება.