შოტლანდიის ნაკრების შემოდგომის ტესტები ცნობილია

შოტლანდიის ნაკრების შემოდგომის ტესტების განრიგი ცნობილია. შოტლანდიის რაგბის კავშირის ოფიციალურმა ვებგვერდმა სამივე მოწინააღმდეგის და თარიღის შესახებ გვამცნო. 

"ნარშავები" შემოდგომის პირველ ტესტ-მატჩს 7 ნოემბერს ავსტრალიის წინააღმდეგ გამართავენ, 13-ში მოქმედ მსოფლიო ჩემპიონს სამხრეთ აფრიკას უმასპინძლებენ, ხოლო 20-ში იაპონიის ნაკრებს დაუხვდებიან. შოტლანდიელები იაპონიას 2019 წლის მსოფლიო თასის შემდეგ პირველად დაუპირისპირდებიან და რევანშის აღების შანსი ექნებათ. როგორც მოგეხსენებათ, განვლილ მსოფლიო თასზე იაპონიამ შოტლანდიას სძლია და ჯგუფში ჩატოვა. 

შეგახსენებთ, რომ ზაფხულის ტესტებზე შოტლანდიის ნაკრები რუმინეთს (10 ივლისს) და საქართველოს (17 ივლისს) ესტუმრება.