გიორგი კვესელაძის ყველა მომენტი ნორსჰემპტონის წინააღმდეგ (VIDEO)

© David Rogers

პრემიერშიპის მე-18 ტურში "ნორსჰემპტონი" საკუთარ მოედანზე "გლოსტერს" დაუხვდა და 7:31 დამარცხდა.

"გლოსტერის" ძირითად შემადგენლობაში პირველად ითამაშა გიორგი კვესელაძემ, რომელმაც პრემიერშიპში მეოთხე შეხვედრა ჩაატარა. საქართველოს ნაკრების შუამარბმა მშვენიერი შთაბეჭდილება დატოვა და მთელი მატჩის განმავლობაში ძალიან საიმედო იყო, განსაკუთრებით კი დაცვაში და ერთ ეპიზოდში საკუთარი გუნდი გაშვებული ლელოსგანაც გადაარჩინა.

კვესელაძემ 80 წუთი ითამაშა და ამ დროის განმავლობაში 3-ჯერ შეუტია, ბურთიანად 8 მეტრი გაიარა, მოწინააღმდეგეს ბურთი ერთხელ აართვა, 10 ბოჭვა და 4 პასი შეასრულა. 

"გლოსტერმა" ამ მოგებით 36 ქულა დააგროვა და მე-10 ადგილზე იმყოფება.