იუნკერებმა უხვქულიან მატჩში ყოჩები დაამარცხა და მეოთხე ადგილზე გადაინაცვლა

© ანი რეხვიაშვილი

დიდი 10-ის ზედა ექვსეულის პირველი ტურის გამოტოვებულ მატჩში "ყოჩები" "რაგბი პლატოზე" "იუნკერებს" დაუხვდა და უხვქულიან მატჩში 35:40 დამარცხდა. 

მატჩში 11 ლელო გავიდა. 5 ლელო "ყოჩებმა" დადო, 6 - "იუნკერებმა". ჰეთ-თრიკით გამოირჩა სტუმართა კაპიტანი რამაზ ხარაზიშვილი, რომელმაც ასევე ხუთი გარდასახვაც გაიტანა და მატჩის საუკეთესო მორაგბედ დასახელდა. თითო ლელოს გატანა ლუკა კობერიძემ, მირიან მარგალიტაძემ და რეზი ხარაზიშვილმა მოახერხეს, ხოლო მასპინძელთაგან თავის გამოჩენა გიორგი ტყეშელიაძემ, გიორგი ბეგაძემ, თემურ სოხაძემ, რამაზ მაზმიშვილმა და ლაშა ფოფხაძემ შეძლეს. 

"იუნკერებმა" 18 ქულა დააგროვა და მეოთხე ადგილზე გადაინაცვლა, ხოლო "ყოჩები" 17 ქულით მეხუთე პოზიციას იკავებს.