გიორგი კვესელაძე გლოსტერის ძირითად შემადგენლობაში პირველად ითამაშებს

საქართველოს ნაკრების შუამარბი გიორგი კვესელაძე "გლოსტერის" ძირითად შემადგენლობაში პირველად ითამაშებს. 

"გლოსტერი" ხვალ თბილისის დროით 17 საათზე "ნორსჰემპტონს" გასვლაზე ეთამაშება. "თეთრები და ალუბლისფერები" ხვალინდელ მატჩს ძალიან ძლიერი შემადგენლობით ატარებენ და ამ მხრივ კიდევ უფრო სასიხარულოა, რომ გიორგი სასტარტო თხუთმეტეულში იქნება. 

კვესელაძემ აქამდე პრემიერშიპში სამჯერ ითამაშა და სამივე შემთხვევაში შეცვლაზე შევიდა. გიორგიმ ბოლოს "გლოსტერის" შემადგენლობაში 27 თებერვალს "ვუსტერ უორიორსის" წინააღმდეგ ითამაშა, შემდეგ კი რაგბი ევროპის ჩემპიონატზე სათამაშოდ საქართველოს ნაკრებში გაემგზავრა და სამი კვირის განმავლობაში ოთხი შეხვედრა ჩაატარა.   

"გლოსტერი" 17 ტურის შემდეგ 31 ქულით მე-10 ადგილს იკავებს.