სერჯო პარისე: "კოვიდის მრავალი სიმპტომი აღმენიშნებოდა, ეს იოლი არ იყო"

იტალიური რაგბის ლეგენდამ სერჯო პარისემ ცოტა ხნის წინ კორონავირუსი დაამარცხა. "ტულონის" გამოცდილი მესამეხაზელის თქმით, მას კოვიდ 19-ის მრავალი სიმპტომი აღენიშნებოდა და მასთან გამკლავება იოლი არ იყო.

"კოვიდ 19 უკვე დავამარცხე, თუმცა ეს იოლი არ ყოფილა. გასულ კვირას "აჟენთან" თამაში უკვე შემეძლო, მაგრამ ფიზიკურად მაინც ვერ ვიყავი ძლიერად. "ტულონში" კოვიდის რამდენიმე შემთხვევა გამოვლინდა. პირადად მე, კოვიდის მრავალი სიმპტომი აღმენიშნებოდა - მაღალი სიცხე, ხველა, სუნთქვის გაძნელება. ვარჯიში 26 აპრილს განვაახლე, მაგრამ თავიდან ცოტა არ იყოს რთული იყო. მინდა, რომ "ტულონს" სეზონის დარჩენილ ნაწილში სრულყოფილად დავეხმარო", - განაცხადა ლეგენდარულმა მესამეხაზელმა.

პარისემ მიმდინარე სეზონში 12 შეხვედრა ჩაატარა და 1 ლელო გაიტანა.