ბექა გიგაშვილი ფრანგულ გაზეთს მამუკა გორგოძეზე ესაუბრა

რეგიონულმა ფრანგულმა გაზეთმა Var-matin-მა საქართველოს ნაკრების და "ტულონის" ბურჯ ბექა გიგაშვილთან ინტერვიუ ჩაწერა, რომელშიც ჟურნალისტი ტულონელთა ყოფილი მორაგბის, ლეგენდარული მამუკა გორგოძის ამჟამინდელი მოღვაწეობით დაინტერესდა და ქართველ პირველხაზელს გორგოძის შესახებ შეეკითხა.

გიგაშვილმა ფრანგ ჟურნალისტს უთხრა, რომ მამუკა კარიერის დასრულების შემდეგ თბილისში საცხოვრებლად დაბრუნდა.

"მამუკა საქართველოს დედაქალაქ თბილისში ცხოვრობს. ჩვენ ერთმანეთს რეგულარულად ვურეკავთ. ის მუშაობს და კვლავ ჩვეულებრივსამებრ ვარჯიშობს, ცოტას კი ისვენებს", - უთხრა ფრანგ ჟურნალისტს ბექამ.

შეგახსენებთ, რომ გორგოძემ კარიერა ერთი წლის წინ დაასრულა. ის "ტულონში" 2014-2020 წლებში ასპარეზობდა და 110 მატჩში 11 ლელოს გატანა მოახერხა.