ბიარიცი ლუკა აზარიაშვილს საიჯარო ხელშეკრულებას უხანგრძლივებს

© Icon Sport

ლუკა აზარიაშვილი "ბიარიცში" დარჩება. აღნიშნულ ინფორმაციას ფრანგული გამოცემა Sudouest.Fr ავრცელებს.

ზემოხსენებული წყაროს ცნობით, 21 წლის ბურჯი, რომელიც "ბიარიცს" გასულ ზაფხულს "მონპელიედან" იჯარით შეუერთდა, ბასკურ კლუბთან საიჯარო ხელშეკრულებას ორი წლით გაახანგრძლივებს და "პარკ დე სპორტ აგილერაზე" 2023 წლამდე დარჩება. 

აზარიაშვილმა წლევანდელ პრო დ2-ში 19 შეხვედრა ჩაატარა, საიდანაც 11 შემთხვევაში ძირითად შემადგენლობაში იყო. ლუკამ 2018 და 2019 წლების მსოფლიოს 20-წლამდელთა ჩემპიონატზე მიიღო მონაწილეობა და უმცროსი ბორჯღალოსნების რიგებში ჯამში 7 შეხვედრა ჩაატარა.