ამერიკელები ზაფხულის ტესტებზე 6 ერის ორ ქვეყანას შეხვდებიან

აშშ-ის ნაკრები ზაფხულის ტესტებზე ბრიტანეთის კუნძულებს ეწვევა და სავარაუდოდ ორ ტესტ-მატჩს გამართავს.

"არწივების" მთავარი მწვრთნელის გარი გოლდის თქმით, მათი განრიგი ახლახანს დადასტურდა და ისინი 3 ივლისს "თვიქნემზე" ინგლისის ნაკრებს ესტუმრებიან, ხოლო ერთ კვირაში "ავივა სთედიუმზე" ირლანდიას შეერკინებიან. ეს იქნება აშშ-ის ნაკრების პირველი მატჩების 2019 წლის მსოფლიო თასის დასრულების და პანდემიის დაწყების შემდეგ. 

ირლანდია თავდაპირველი გეგმის თანახმად ზაფხულის ტესტებზე ფიჯიში მიემგზავრებოდა, ხოლო ინგლისში აშშ-ში და კანადაში სათამაშოდ მიდიოდა, თუმცა პანდემიასთან არსებულმა გაურკვევლობამ და შეზღუდვებმა, ევროპელთა აღნიშნული ტურნეების გაუქმება გამოიწვია. გუშინვე გახდა ცნობილი, რომ ირლანდია ფიჯური ტურნეს ალტერნატივად შინ იაპონიასთან და აშშ-სთან მატჩებს განიხილავდა.