საფრანგეთის ნაკრები საქართველოს უმასპინძლებს - ფრანგული პრესა

ფრანგული პრესის ცნობით, საქართველოს ნაკრები შემოდგომის ტესტებზე საფრანგეთს ესტუმრება. 

როგორც ნათქვამია, "ლე ბლე" შემოდგომის ტესტებზე სამ შეხვედრას გამართავს: 6 ნოემბერს "სტად დე ფრანსზე" არგენტინას მიიღებს, 13 ნოემბერს ბორდოში საქართველოს დაუხვდება, ხოლო 20-ში "სტად დე ფრანსზე" ახალ ზელანდიას უმასპინძლებს.

შეგახსენებთ, რომ საქართველოს ნაკრებს საფრანგეთთან გასვლაზე შარშანაც უნდა ეთამაშა, თუმცა შემოდგომის ტესტები ეპიდემიოლოგიური ვითარების გამო გაუქმდა და შემოდგომის ერთა თასი ჩატარდა. შესაბამისად, სენტ-ეტიენში დაგეგმილი მატჩი ვერ შედგა.