სისწრაფე, ძალა და სტრატეგია – მხოლოდ ერთი გახდება გამარჯვებული! ⚡ 2025 წელს თბილისი მასპინძლობს უნიკალურ საერთაშორისო ღონისძიებას — 1vs1
ოფიციალურად: არგენტინის ნაკრების კაპიტანი კრუსეიდერსში ითამაშებს
30-04-2021 13:52
არგენტინის ნაკრების კაპიტანი პაბლო მატერა "სტად ფრანსეს" კარიერას "კრუსეიდერსში" განაგრძობს.
ის იქნება პირველი არგენტინელი მორაგბე, რომელიც "ჯვაროსნების" ღირსებას დაიცავს. პაბლო ახალზელანდიაში 2022 წლის სუპერ რაგბის სეზონს გაატარებს.
"ჩვენ ვიცით, რომ პაბლოს სუპერ რაგბიში დაბრუნება სურდა და აღფრთოვანებულნი ვართ იმ პერსპექტივით, რომ კრაისტჩერჩში შემოგვიერთდება 2022 წელს. ჩვენ მოუთმენლად ველით მის დამატებას", - თქვა "კრუსეიდერსის" აღმასრულებელმა დირექტორმა კოლინ მენსბრიჯმა.
"პაბლო არის მსოფლიოში ერთ-ერთი საუკეთესო მესამეხაზელი. ის არის გამოცდილი და თავდაჯერებული მოთამაშე, რომელსაც აქვს ნამდვილი ლიდერის თვისებები. მან შთაბეჭდილება მოახდინა ჩვენზე თავისი ფიზიკური მონაცემებით და სამუშაო ეთიკით. მოხარულნი ვართ, რომ ის მომდევნო სეზონში ჩვენს გუნდს შემოუერთდება და ჩვენს ახალგაზრდა მესამეხაზელებს თავის მდიდარ გამოცდილებას გაუზიარებს", - განაცხადა "კრუსეიდერსის" მთავარმა მწვრთნელმა სკოტ რობერტსონმა.
შეგახსენებთ, რომ არგენტინამ შემოდგომაზე ახალი ზელანდიის ნაკრების ისტორიაში პირველად დაამარცხა, რაშიც უდიდესი წვლილი სწორედ მატერას მიუძღვის, რომელმაც საოცარი შეხვედრა ჩაატარა. პაბლოს "პუმების" კვართით 66-ჯერ უთამაშია და 4 ლელო აქვს გატანილი.
"კრუსეიდერსი" სუპერ რაგბის 10-გზის გამარჯვებულია. სკოტ რობერტსონის შეგირდებმა უკანასკნელი სამი ტურნირი (2017, 2018, 2019) ზედიზედ მოიგეს, ხოლო მას შემდეგ, რაც პანდემიის გამო ჩვეული ფორმატით ვეღარ განახლდა, 2020 წელს სუპერ რაგბი აოტეაროას ჩემპიონები გახდნენ. მატერა 2016-2019 წლებში "ხაგუარესში" თამაშობდა და 52 მატჩში 11 ლელო დადო. არგენტინელები 2019 წლის სუპერ რაგბის ფინალში გავიდნენ, სადაც სწორედ "კრუსეიდერსთან" დამარცხდნენ.
კომენტარის დასამატებლად საჭიროა ავტორიზაცია
კომენტარები 0
🏖️ პირველი ქვიშის თაჩ-რაგბის ტურნირი დასავლეთ საქართველოში – „ზაფხულის თამაშები 2025“
თარიღი: 28-09-2025 04:55
31 აგვისტოს ფოთში გაიმართა ქვიშის თაჩ რაგბის ტურნირი ფოთის მუნიციპალიტეტისა და თაჩ რაგბი ჯორჯიას ორგანიზებით. მონაწილეობა მიიღო რეგიონის 8
საქართველოს ეროვნული ნაკრების შემადგენლობა 2024 წლის ერთა თასზე
თარიღი: 29-01-2024 00:32
როგორც მოსალოდნელი იყო 2024 ის ერთა თასისთვის ახალმა მწვრთნელმა, დატოვებულ შემადგენლობაში ცვლილებები შეიტანა და ერთბაშად 11 დებიუტანტს უხმო
საფრანგეთი - ახალი ზელანდია 40:25 (VIDEO)
თარიღი: 22-11-2021 21:48
აღსანიშნავია, რომ "ლე ბლემ" "ოლ ბლექსის" დამარცხება 2009 წლის შემდეგ პირველად მოახერხა.