ლენსტერს ჩემპიონთა თასის ნახევარფინალში მთავარი ვარსკვლავი დააკლდება

"ლენსტერის" მთავარი ვარსკვლავი ჯონათან სექსტონი ჩემპიონთა თასის ნახევარფინალურ მატჩს გამოტოვებს, რომელშიც მისი გუნდი გასვლაზე "ლა როშელს" დაუპირისპირდება.

35 წლის მგეზავმა თავის ტრავმა 10 აპრილს "ექსეტერ ჩიფსთან" გასვლაზე მოგებულ მეოთხედფინალურ მატჩში მიიღო. გუშინ კი ცნობილი გახდა, რომ ის ნახევარფინალშიც ვერ შეძლებს თამაშს. 

სექსტონმა ტრავმების და სანაკრებო მატჩების გამო მიმდინარე სეზონში "ლენსტერის" რიგებში მხოლოდ 6 შეხვედრა ჩაატარა. 

"ლა როშელის" და "ლენსტერის" შეხვედრა კვირას თბილისის დროით 18 საათზე დაიწყება.